జీవితం

 
జీవితం మసిపూసిన వదనం
జీవితం అఖండ భయసదనం
జీవితం గాలి వీచని సాయంత్రం

---కె.వి.రమణారెడ్డి

మనిషి పుట్టుక నుండి మరణం దాకా సాగే ప్రయాణమే జీవితం. చూడగలిగితే ప్రతి జీవితం ఓ అద్భుతమే. చదవగలిగితే ప్రతి జీవితమూ ఓ చరిత్రే.

వ్యాఖ్యలు

• తోటి సోదరుల మంచి కోసం కష్టించని జీవితం మానవుడికి జీవితమే కాదు. - ఆయన్ రాండ్
• జివితంలో ఒంటరిగా నడవడం నేర్పేదే విద్య .....హార్న్
• లాంగ్ షాట్ లో ఆనందంగానూ, క్లోజప్ లో విషాదంగానూ కన్పించేదే జివితం..... చార్లి చాంప్లిన్
• జీవితం రేడియో సెట్టుకు భర్త ఏరియల్,భార్య ఎర్త్.--ఆరుద్ర.
• జీవితం చివర తెలియని చీకటి వంతెన--మాదిరాజు రంగారావు.
• జీవితం కరిగిపోయే మంచు-ఉన్నదానిని నలుగురికి పంచు--గోపాల చక్రవర్తి.
• జీవితంలో అందరి ప్రయత్నమూ గెలవడానికే, ఎవడూ ఓడదలచడు--దాశరథి రంగాచార్య్
• కొద్దిగా లోకజ్ఞానం, సహనం, హస్యరసజ్ఞత ఉంటే మనిషి హాయిగా జీవించవచ్చు---సోమర్‌సెట్ మామ్
• జీవితమంటే రెండు సుదీర్ఘ అంధకారాల మధ్యనుండే వెలుతురు రేఖ --?
• తథ్యమైన మరణం కంటే తాత్కాలికమైన జీవితమే ప్రాణుల్ని అధికంగా ప్రలోభపెడుతుంది...--?
• జీవితం సహారా ఎడారి కాదు- చిగురించే స్వభావం కలది.----బిజినేపల్లి లక్ష్మీకాంత గుప్త
• తథ్యమైన మరణం కంటే తాత్కాలికమైన జీవితమే ప్రాణులని అధికంగా ప్రలోభపెడుతుంది.
• మనిషి బతకటం గొప్ప కాదు, సాటి మనిషిని బతికించటం గొప్ప.
• తాను బతకటం కోసం ఇంకో మనిషిని చంపటం కాదు, ఇంకో మనిషి బతకటం కోసం అవసరమైతే తాను చావాలి.
• అవినీతి పద్ధతులలో ధనవంతులైపోవడం కన్నా, నీతిగా బతుకుతూ దరిద్రులుగా మిగిలిపోవడమే ఉత్తమం---అజ్ఞాత రచయిత
• ప్రతి జీవిమీద జాలి వున్నావాడే గొప్ప వ్యక్తి. బుద్ధుడు........ సూక్తి సింధు గ్రంథం.
• జీవితము పేకాట ఏ పని చేసినా పట్టుదల కావాలి. ఎలా ఆడతావనేది స్వంత కోరిక జవహర్ లాల్ నెహ్రూ........ సూక్తి సింధు గ్రంథం.
• జీవితము విలువ అది చేసే పనుల మీద సాంద్రత మీద ఆధారపడుతుంది. ఆస్కార్ వైల్డ్........ సూక్తి సింధు గ్రంథం.
• జీవితమంటే చావుకు ముందు పడే అవస్థ హెన్రీ జేమ్స్........ సూక్తి సింధు గ్రంథం.
• జీవితాన్నుండి ఎవరు పారిపోలేరు .........స్వామి చిన్మయానంద
• జీవితం ఓ కదలిక ...................స్వామి వివేకానంద ........ సూక్తి సింధు గ్రంథం.
• జీవితకాలం మనమీద నృత్యం చేస్తుంది. మంచు ఆకు మొనలమీద నిలబడినట్లు. ....రవీధ్రనాథ్ టాగూర్.....సూక్తి సింధు గ్రంథం
• జీవితం లేని మతం నిరుపయోగం. ............. హేగ్స్సూక్తి సింధు గ్రంథం
• ప్రజానీకంలో ఎక్కువమంది జనాలు నిరాశతో జీవితం కొనసాగిస్తారు. .... హెన్రి ధోరో.....సూక్తి సింధు గ్రంథం నుండి
• ఎంతకాలం బ్రతికామన్నది కాదు...... ఎలా జీవించామన్నదే.......... జేమ్స్ బైలీ ....సూక్తి సింధు గ్రంథం నుండి
• ఈరోజుల్లో మనిషి జీవితం ఆహారం మీద కేంద్రీకరించ బడినది. రామకృష్ణ...సూక్తి సింధు గ్రంథం నుండి
• కష్టసుఖాల కలగలుపే జీవితం ఇందిరాగాంధీ ..సూక్తి సింధు గ్రంథం నుండి
• బతుకు ఒక పోరాటం. దానికోసం ఆరాటం పనికి రాదు. కాళోజి ..సూక్తి సింధు గ్రంథం నుండి
• అతి దగ్గరగా వున్నప్పుడు జీవితం విషాదంగా ..... దూరంగా వున్నప్పుడు సుఖంగా కనుపిస్తుంది. చార్లీ చాప్లిన్ ..సూక్తి సింధు గ్రంథం నుండి

సినిమా పాటల్లో జీవితం

• ఒక్కడైనా కానరాడే, జీవితాన్ని పోరాడకుండా గెలిచినోడు.
• జీవితమే సఫలమూ ..... రాగ సుధా భరితమూ ప్రేమ కథా మధురము........

మరో ప్రవాహం(నవల)లో జీవితం

తెలుగు నవలా రచయిత వి.రాజా రామ్మోహనరావు రచించిన ప్రముఖ నవల ఇది. ఇందులో జీవితానికి సంబంధించిన కొన్ని వ్యాఖ్యలు...

• బతుకులో ఉన్నది పొగొట్టుకోవడం ఓ బాధ-పొగొట్టుకున్నది గుర్తు రావడం మరో బాధ.
• ఎంత నికృష్టపు బతుక్కైనా ప్రతి బతుక్కూ అపురూపమైనవై కొన్ని ఉంటాయి.
• ప్రతి మనిషి జీవితంలో నిలబడటానికి ఆలోచన, శ్రమ అవసరం.
• ఇతరుల మీద ఆధారపడి జీవించడం పెద్ద దరిద్రం.
• ఎంతటి పనికిరాని బతుక్కేనా ఎగసిపడే గుండె ఉంటుంది. అన్యాయానికి ఆవేశపడే మనసు ఉంటుందని చాలా మందికి తెలియదు.
• ఎవరి బతుక్కైనా సలహా ఇవ్వటానికి గొప్ప విజ్ఞానం కన్నా అనుభవం, సరైన దృష్టి ముఖ్యం.
• ఎంతగానో దిగజారిన బతుకు భయంకరమైన మొండితనాన్నే కాదు, దానికన్న అసహ్యకరమైన మొరటుతనాన్ని ఇస్తుంది.
• తమ బతుకుల బాధల వెనుకాల ఉన్న ఆర్థిక, రాజకీయ, సాంఘిక వలయాల శక్తి చాలా మందికి తెలియకపోయినా, ఏదో శక్తి తాలూకు ఒత్తిడి తమ బతుకుల మీద ఉందని ఇంచుమించు ప్రతి బడుగు బతుక్కూ తెలుసు.

ఇవీ చూడండి

• ఆరుద్ర వ్యాఖ్యలు