భారత దేశం

భారతదేశ రాజముద్ర

భారత దేశం కాశ్మీరం నుండి కన్యాకుమారి వరకు విస్తరించి ఉన్న సువిశాల దేశం. విభిన్న మతాలు,భాషలు, సంస్కృతులతో విలసిల్లుతూ, ప్రపంచాన భిన్నత్వంలో ఏకత్వాన్ని చాటుతున్న దేశం.

దేశం గురించి వ్యాఖ్యలు

• భరత ఖండంబు చక్కని పాడియావు --చిలకమర్తి లక్ష్మినరసింహం
• ఆర్య భూమి, సూర్య భూమి, వీరభూమిరా మనది--బోయి భీమన్న
• ఏ దేశ మేగినా, ఎందుకాలిడినా, పొగడరా నీ తల్లి భూమి భారతిని --రాయప్రోలు సుబ్బారావు
• నా దేశ పటాన్ని కొరికేసినై సామంతుల చిట్టెలుకలు --కుందుర్తి ఆంజనేయులు
• ఈ దేశం నాదనటం ఎప్పటిదో పాతమాట, ఈ దేశం నేనేనడం ఇది నవకవితా సూక్తం--ముదిగొండ శివప్రసాద్
• దేవుడా! రక్షించు నా దేశాన్ని పవిత్రుల నుండి, పతివ్రతల నుండి...--దేవరకొండ బాలగంగాధర తిలక్
• దేశమంటే మట్టి కాదోయ్! దేశమంటే మనుషులోయ్!!--గురజాడ అప్పారావు
• నేను కవిని, నేను రవిని, నా దేశపు ప్రగతి రథచోదకుడిని--ఎల్లోరా
• వీరభోగ్య వసుంధరా! పేరబరగు భారతాంబరో నేనెంత ప్రస్తుతింప---బిజినేపల్లి లక్ష్మీకాంత గుప్త
• శాస్త్రం అలికిన పొలం నా దేశం/ విద్దెలు నింపిన గాదె ఈ దేశం---పాకాల యశోదారెడ్డి.]

అశోకుని ధర్మచక్రం

• నా భారతదేశమా! నా మాతృదేశమా! నిలుపుకో నీ జాతి సాంప్రదాయం,నీ జాతి సౌమనస్యం నిలుపుకో నిలుపుకో---మల్లిక్

మూలాలు

• తెలుగు సాహిత్య దర్శనం-ఎస్.నాగేంద్రనాథ్‌రావు,పల్లవి పబ్లికేషన్స్, విజయవాడ,1994.